26 май 10:36
Янгиликлар
Енгил атлетика
Анвар Анваров "Бриллиант Лига"нинг иккинчи босқичида қандай натижа кўрсатди?
Хитойнинг Сьяминь шаҳрида енгил атлетика бўйича "Бриллиант Лига" туркум мусобақасининг иккинчи босқичи бўлиб ўтди.
Мусобақанинг эркаклар ўртасида узунликка сакраш беллашувларида Ўзбекистон терма жамоаси аъзоси, Париж-2024 ёзги Олимпиадаси иштирокчиси Анвар Анваров ҳам иштирок этди.
Ҳамюртимиз ўз уринишларида 8.01 м натижа қайд этиб, 10 нафар спортчи орасида бешинчи бўлди. грециялик Милтиадис Тентоглу 8.46 м билан биринчи ўринни қўлга киритган бўлса, Ямайка вакили Тажай Гейл 8.32 метрга сакраб, мавсумдаги энг яхши натижасини қайд этиш баробарида кумуш медалга эга чиқди. Учинчи ўрин эса болгариялик Божидар Сарабоюковга насиб этди (8.29 м).
Эслатиб ўтамиз, Анвар 16 май куни Чунсиндаги босқичда ҳам стартга чиқиб, 8.01 м натижа билан бронза медалига эга чиққанди.
Ҳавола :
Манба : Olamsport.com
Фикрлар