27 апр 09:35
Янгиликлар
Бокс/ММА
АҚШ бокс федерацияси IBA таркибидан чиқди
АҚШ бокс федерацияси Халқаро бокс ассоциацияси (IBA) таркибидан чиққанини эълон қилди.
Федерация кенгаши бир овоздан ушбу қарорни қабул қилган. Баёнотга кўра, "Олимпия ҳаракатига ҳурматсизлик", "Париж Олимпиадаси саралаш тизимига аралашиш", "ХОҚ талабларига бўйсунмаслик" каби масалалар бунга сабаб бўлган.
Америка бокс федерацияси шунингдек янги "Бутунжаҳон бокс" номли ассоциация ташкил этилиши ҳақида ҳам маълумот берган. Ушбу ташкилотга Британия ҳам қўшилиши мумкин.
Эслатиб ўтамиз, аввалроқ АҚШ Тошкентдаги жаҳон чемпионатига бойкот эълон қилган ва мусобақада иштирок этмаслигини маълум қилганди.
Ҳавола :
Манба : USA Boxing
Фикрлар