Ар-Риёддан қайтган музаффар дзюдочиларимиз тантанали кутиб олинди + ФОТОРЕПОРТАЖ

Дзюдочиларимиз уч кунлик беллашувларда 3 та олтин, 3 та кумуш, 4 та бронза, жами 10 та медаль билан дунёнинг 32 давлати орасида умумжамоа ҳисобида 2-ўринни эгаллашди. Аралаш жамоавий баҳсларда эса финалга қадар етиб бориб, кумуш медалларни қўлга киритдик. Бу билан дзюдочиларимиз Ўзбекистон спорт делегациясининг умумий муваффақиятига улуш қўшишди. 

Бугун тонг саҳарда терма жамоамиз аъзолари Саудия Арабистони Қироллигидан юртимизга қайтиб келишди. Ислом Каримов номидаги Тошкент халқаро аэропортида музаффар дзюдочиларимиз спортимиз мутасаддилари, кенг спорт жамоатчилиги, дзюдочиларимизнинг оила аъзолари ва оммавий ахборот воситалари ходимлари томонидан тантанали тарзда қарши олинди.