29 июл 20:46
Янгиликлар

Теннис

Аранта Рус Гамбург турнири чемпиони!

Дунёнинг 60-ракеткаси Аранта Рус Германиянинг Гамбург шаҳрида ўтказилган WTA турнири ғолибасига айланди.

Нидерландиялик теннисчи ҳал қилувчи финал учрашувида рейтингнинг 207-поғонасидан жой олган мезбонлар вакиласи Нома Нох Акугуэни 6/0, 7/6(3) ҳисобида мағлубиятга учратди. Бу теннисчиларнинг ўзаро ўтказган илк учрашуви эди.

Бир соату 47 дақиқа давом этган финал баҳсида иккала теннисчи ҳам 2 тадан эйс зарбани амалга оширди. Рус 2, Ноха Акугуэ 5 та қўшхатога йўл қўйди. Брейклар 4 га 1 кўринишда чемпион фойдасига бўлди.

Аранта Рус Гамбургдаги олти кунлик меҳнатидан 280 рейтинг очкоси ҳамда 29,760 евро мукофот пули ишлаб олди.