29 май 11:47
Янгиликлар

Теннис

Арина Соболенко "Ролан Гаррос" учинчи даврасида

Дунёнинг биринчи ракеткаси Франция пойтахтида ўтказилаётган теннис бўйича "Катта Дубулға" туркумига кирувчи "Ролан Гаррос" турнирининг учинчи даврасига йўл олди.

Беларуслик теннис маликаси иккинчи даврада WTA рейтингида 97-поғонада бораётган швейцариялик Жиль Тайкманндан ортиқча қийинчиликсиз устун келди - 6/3, 6/1. Бу теннисчиларнинг ўзаро ўтказган иккинчи учрашуви эди - 2:0.

Етмиш тўққиз дақиқа давом этган баҳсда Соболенко 2, Тайкманн 1 та эйс зарбасини амалга оширган. Энди Арина кейинги босқичда сербиялик Ольга Даниловичга қарши кортга чиқади.