Арина Соболенко Россия ва Беларусь байроқларига қўйилган тақиққа муносабат билдирди

“Мен теннис ва умуман спортнинг сиёсатга алоқаси йўқлигини айтганман. Аммо бу ҳамма учун яхши бўлса, унда майли. Мен бу ерда ҳеч нарса қила олмайман. Нима дейишим мумкин? Улар байроқлар бўлмаслигига қарор қилишди. Майли," - деди Соболенко матбуот анжуманида.

Маълумот учун, Арина Соболенко Австралия Очиқ чемпионатининг иккинчи босқичига йўл олди. Турнир бошида у Чехия вакили Тереза Мартинковани 6/1, 6/4 ҳисобида мағлуб этди. Кейинги босқичда Соболенко Шелби Рожерс (АҚШ) билан ўйнайди.