Арман Царукян фаолиятини якунлаш муддатини айтди

Асли келиб чиқиши арманистонлик бўлган россиялик аралаш яккакураш устаси қачон профессионал формаси чўққисига чиқмоқчилиги ва қўлқопларни михга илишдан олдин неча йил жанг қилмоқчилиги ҳақида гапирди.

"Ҳозир 29 ёшдаман ва етти йилдан сўнг, шартли равишда айтганда, фаолиятимни якунлашим керак. Ўша пайтда 36-37 ёш бўламан. Энг юқори чўққи 31 ёшга тўғри келса керак. 31 ёшдан 34 ёшгача кўп йиллик тажрибамга суяниб жангларимни ўтказаман. Аммо ҳозирча спортсиз қандай яшашимни тасаввур ҳам қила олмайман", - деди Царукян YouTube’даги каналида эълон қилинган видеода.

Айни дамда Арман Царукян 22 ноябрь куни Қатар пойтахти Доҳа шаҳрида бўлиб ўтадиган UFC Fight Night 265 турнирига тайёргарлик кўрмоқда. У оқшомнинг асосий жангида янги зеландиялик Ден Хукерга қарши октагонга чиқади. Ушбу жанг потенциал даъвогарлик баҳси сифатида эътироф этилмоқда.

Россиялик яккакураш устаси йил бошида олган жароҳати туфайли сўнгги дақиқаларда Ислам Махачевга қарши чемпионлик жангидан чиққан эди.