06 авг 18:43
Янгиликлар

Енгил атлетика, Париж-2024

Арман Дюплантис – янги жаҳон рекордини ўрнатган Олимпия чемпиони!

Париж Олимпиадасининг энг шов-шувли воқеаларидан бири таяниб сакраш финалида рўй берди.

Асосий фаворит саналган швециялик спортчи Арман Дюплантис навбатдаги ютуққа эришди.

Унинг рақибларидан ҳеч бири ҳатто олти метрлик баландликни ҳам забт этолмади. Дюплантис эса бир қатор рекордларни ўрнатишга киришиб кетди ва бунинг уддасидан чиқди. У ўзига тегишли жаҳон рекорди (6,24)ни янгилади. 6,25 м планкани учинчи уринишида муваффақиятли якунлаган атлет олтин медални қўлга киритди!

Мусобақада иккинчи ўрин америкалик Сэм Кендрикс (5,95) ва учинчи ўрин эса грециялик Эммануил Каралис (5,90)га насиб қилди.