"Арсенал" ҳужумчиси 3 ойга сафдан чиқди

Бразилиялик ҳужумчи Габриэл Жезус учун Қатардаги Жаҳон чемпионати муддатидан аввал якунланди. У ўнг тиззасидан олган жароҳати туфайли жарроҳлик амалиётини бошдан ўтказишга мажбур бўлди. Бироқ Бразилия терма жамоаси учун асосий марказий ҳужумчи ролини мундиалда 3 та гол урган Ришарлисон аъло даражада бажармоқда.

АПЛда биринчи ўрин билан танаффусга чиққан "Арсенал" эса бу ҳақда ўйлаб кўриши керак. Зеро, ESPN хабарига кўра, Жезус операциядан сўнг 3 ой давомида тикланиши мумкин.