"Арсенал" Леау билан музокара ўтказди, "Милан" футболчини 75-80 млн еврога сотишга тайёр

Лондонликлар 26 ёшли вингерни ёзда сотиб олиш вариантини кўриб чиқмоқда. Итальян клуби Леауни 75-80 млн еврога сотишга тайёр. Португалиялик футболчи "канонирлар"нинг ёзда ҳужумкор футболчилар орасида асосий трансфер мақсади бўлиб турибди.

Жорий мавсумда Леау барча мусобақаларда 20 та ўйинда майдонга тушиб, 9 та гол ва 2 та голли узатмага муаллифлик қилди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 70 млн еврони ташкил этади.