Артета "Арсенал"нинг мавсумолди мақсадларини айтди

"Арсенал" бош мураббийи Микель Артета "канонирлар"нинг мавсумолди мақсадларини айтиб ўтди.

"Биз нимага қодир эканимизни кўришимиз керак. Аммо ғоямиз ҳар йили кучайиб боришдан иборат, рақиблар бизга қаршилик кўрсата олмаслиги ва жуда қийналиши лозим. Айниқса, ҳозир бизда ҳимоя ва ярим ҳимоя кучлироқ. Бизда ўтган йилга қараганда кўпроқ имкониятлар мавжуд.

Яхши тайёргарлик кўриш, жамоада ҳамжиҳатликни шакллантириш учун мавсумолди йиғин мобайнида тўғри ишларни қилишимиз керак. Шунда босқичма-босқич олдинга интиламиз. Келинг, қандай бошлашимизни ва кейин нима бўлишини кўрамиз", – деди Артета.

Мавсум олдидан "Арсенал" "Нюрнберг" билан дуранг ўйнади (1:1) ва MLS термасини йирик ҳисобда доғда қолдирди (5:0). "Канонирлар" навбатдаги ўртоқлик учрашувини 23 июль куни "Манчестер Юнайтед"га қарши ўтказади.