Артур Бетербиев нокаутли ғалабадан сўнг нималар деди?

Кечанинг марказий жангида россиялик Артур Бетербиев британиялик Каллум Смитга қарши жанг қилди ва 7-раундда рақибини нокаут эвазига мағлуб этди.

Ушбу ғалабадан сўнг Бетербиев ўз фикрларини билдириб ўтди:

"Бу яна такрорланганини биласиз. Мураббийим ва жамоам яхши ишлашди. Биз битта эмас, иккита стратегияга эга эдик, тайёрлангандик. 

У яхши жанг қилди ва кучли бўлиб қолади. Стратегиялардан бири яхши иш берди. Мураббийимга раҳмат, мен шунчаки унинг кўрсатмаларини бажаряпман", - деди Бетербиев.