13 сен 16:11
Янгиликлар

Бокс/ММА

Артём Лобов янги промоушенда, унинг рақиби ҳам маълум!

Асли келиб чиқиши россиялик, бир неча йилдан бери Ирландия шарафини ҳимоя қилиб келаётган ММА жангчиси Артём Лобов янги промоушен билан шартнома тузди.

Лобов Австралиянинг Arena Fight Championship промоушени билан келишуви битта жангга мўлжалланган. Ушбу жанг 12 декабрь куни Франциянинг Марсель шаҳрида бўлиб ўтади. Артёмнинг рақиби франциялик Ильес Жирун бўлади.

Маълумот учун, Жирун ҳисобида 17 ғалаба ва 6 мағлубият бор. Лобов сўнгги бор 2018 йилнинг октябрь ойида ММАда жанг ўтказган эди. UFCдан кетганидан сўнг у Bare Knuckle FC, яъни қўлқопсиз жанглар промоушени билан шартнома имзолаган ва 3 та жангдан 2 тасида ғалаба қозонганди. 31 ёшли Лобов ҳисобида 13 та ғалаба, 15 та мағлубият, 1 та дуранг бор. Яна бир жанг ўтказилмаган деб топилганди.