Артём Лобов Зубайра Тухуговга қарши жангининг бекор қилинишига сабаб бўлган жароҳатини кўрсатди + ФОТО

Meta MMA портали журналисти Салам Умаров ўзининг телеграм каналида ушбу жангни тўхтатишга мажбур бўлгани акс этган суратни эълон қилди. Ирландияликнинг жароҳати сабаб Лобов - Тухугов жанги 74,84 кг вазн тоифасида PFL Road to Dubai Champions Series 3 турнири кардидан ечилди. 

Маълумот учун, асли россиялик бўлган Артём сўнгги жангини 2018 йил 27 октябрь куни UFC Fight Night 138 турнирида ўтказганди. Ўшанда у ҳакамларнинг якдил қарори билан америкалик Майкл Жонсонга ютқазганди. Унинг рекордида 13 ғалаба ва 15 та мағлубият бор. Битта жанг ҳакамлар қарорига кўра дуранг, яна бири эса ўтказилмаган деб топилган.

Зубайра Тухугов эса сўнгги жангини 2023 йилнинг 12 февраль куни UFC 284 турнири доирасида ўтказганди. Ўшанда Тухугов ҳакамларнинг қарори билан Бразилия вакили Элвис Бренерга ютқазганди. Зубайра ҳисобида 20 ғалаба, 6 мағлубият ва битта дуранг бор.