09 сен 11:50
Янгиликлар
Бокс/ММА, Муайтай
Асламжон Ортиқов ONE FC'даги бешинчи жангида ҳам ғалаба қозонди. У ташкилотчилар томонидан пул мукофотига ҳам эга бўлди
Таиланднинг Бангкок шаҳрида муай-тай ва ММА бўйича ONE Friday Fights 78 турнири бўлиб ўтди.
Мусобақа доирасида ўзбекистонлик муай-тай устаси Асламжон Ортиқов ҳам жанг қилди. Унга таиландлик Ёдтонгтай Со Соммай рақиб бўлди. Жангда Ортиқов 3-раундда рақибини нокаут орқали мағлубиятга учратди.
Аҳамиятлиси, жанг якунига етганидан сўнг, ташкилотчилар ҳамюртимизни бонусга лойиқ кўришди. Асламжон кафолатланган гонораридан ташқари 9 000 доллар мукофот пулига ҳам эга чиқди.
Бу жанг орқали Ортиқов фаолияти ва қолаверса, ONE FC лигасидаги бешинчи жангида бешинчи ғалабасини нишонлади.
Ҳавола :
Манба : olamsport.com
Ўхшаш янгиликлар
09:30
Шахматчиларимиз Жаҳон чемпионатида 3 та олтин медаль билан умумжамоа ҳисобида иккинчи бўлишди! 0
Фикрлар