23 мар 18:13
Янгиликлар

Бокс/ММА

Асламжон Ортиқовнинг ONE FC лигасидаги жанги тасдиқланди + ПОСТЕР

ONE FC лигасида ўтказган 9 та жангининг барида ғалаба қозонган таниқли яккакураш устамизнинг навбатдаги жанги тафсилотлари маълум бўлди.

Ортиқов 10 апрель куни Таиланднинг Бангкок шаҳрида ташкил этиладиган ONE Fight Night 42 турнирида рингга чиқади. "Lumpinee Stadium"да ўтажак оқшомда Асламжон колумбиялик Жордан Эступинанга қарши жанг ўтказади.

Маълумот учун, тажрибали муайтайчимиз ўтган йили ONE Fight Night 36 турнирининг иккинчи асосий жанги (co main event)да Таиланд вакили, Лиганинг собиқ чемпиони Конгторанени очколар ҳисобига кўра мағлуб этган эди. Бу билан Ортиқов ONE FC Лигасидаги тўққизинчи жангида тўққизинчи ғалабасини нишонлаганди.