03 авг 09:07
Янгиликлар
Бокс/ММА
Авазбек Холмирзаев: "Чемпионлик камаримни йўқотгандан кўра ўлганим афзал"
Ўта енгил вазн тоифасида ўзбекистонлик ММА жангчиси, ONE Championship Лигасининг амалдаги чемпиони Авазбек Холмирзаев рақибларига мурожаат қилди.
"Мен бу даражага осон йўл билан келмаганман ва бу камарни ҳеч кимга қайтариб бермайман. Агар уни қўлга киритмоқчи бўлсанг, қафасга ҳаётингни хавф остига қўйишга тайёр бўлиб кир. Чунки чемпион бўлишнинг нархи шундай. Менга келсак, белимдаги бу камарни йўқотгандан кўра ўлганим афзал. Кимдир чемпионлик учун жанг қилишни истаса, аввало камаримга етиб келиб, унга қўлини теккиза олсин. Шундагина нега жуда кам инсон чемпион бўлишини ва ундан ҳам камроғи мендан камарни тортиб олишини тушунади", деб ёзган Холмирзаев ижтимоий тармоқлардаги саҳифаларида.
25 яшар Авазбек фаолияти давомида 18 та жанг ўтказиб, 16 та ғалаба ва 2 та мағлубият қайд этган.
Ҳавола :
Манба : olamsport.com
Фикрлар