08 ноя 12:39
Янгиликлар

Бокс/ММА

Асосий жанги Двалишвили - Ян 2 бўлган UFC 323 турнирининг расмий постери тасдиқланди + ФОТО

UFC матбуот хизмати томонидан рақамли UFC 323 турнирининг расмий постери эълон қилинди.

Бу турнир 6 декабрь куни АҚШнинг Лас-Вегас шаҳридаги "T-Mobile Arena"да бўлиб ўтади. Оқшомнинг асосий жанги ўта енгил вазн тоифасида амалдаги UFC чемпиони, грузиялик 34 ёшли Мераб Двалишвили россиялик 32 ёшли собиқ чемпион Петр Янга қарши октагонга чиқади.

Маълумот учун, Мераб профессионал ММАдаги фаолиятини 2014 йилнинг январь ойида бошлаган. 2017 йилнинг декабридан UFC жангчиси сифатида октагонга чиқиб келяпти. Айни пайтда Двалишвили 14 ғалабали серия билан келмоқда. Бу ўзи жанг қилаётган дивизион учун UFC рекорди ҳисобланади. Петр эса профессионал ММАда Мераб сингари 2014 йилда дебют қилган. Унинг ҳисобида 19 ғалаба ва 5 мағлубият бор.