Асосий кардининг барча жанглари муддатидан аввал "финиш" бўлган UFC Fight Night 279 турнирининг тўлиқ натижалари

Оқшомнинг асосий жангида анголалик Манель Капе фаолиятидаги муҳим ғалабасини қўлга киритди. Энг енгил вазн рейтингида иккинчи ўринни эгаллаб турган Капе потенциал даъвогарлик жангида дивизионнинг бешинчи поғонасида бораётган япониялик Киоджи Хоригучини учинчи раундда техник нокаутга учратди. Финишга қадар очколар ҳисобига кўра ютқазаётган Манель камбэк эвазига ғалаба қозонди ва 9 йил аввалги мағлубият учун реванш олди. Илк жанг Rizin лигаси Гран-приси доирасида бўлиб ўтганди. Бу Капенинг кетма-кет қозонган тўртинчи ғалабаси бўлди.    

Аҳамияти жиҳатидан иккинчи муҳим жангда ярим оғир вазнда ўтказилиб, унда Янги Зеландия вакили Навахо Стирлинг лигадаги бешинчи ғалабасини тантана қилди. У иккинчи раундда молдовалик Ион Куцелабани техник нокаутга учратди. 

Қолган натижаларга тўхталадиган бўлсак, мағлубият нималигини билмай келаётган қирғизистонлик ярим енгил вазн тоифаси вакили Муртазали Магомедов UFC`даги дебютини муваффақиятли ўтказди. У 77-сониядаёқ Мелсик Багдасарянни таслим этди. 

Шунингдек, грузиялик ярим ўрта вазн тоифаси вакили Леван Чохели ҳам дунёнинг энг кучли лигасидаги дебютини муваффақиятли якунлади. У 23 сониядаёқ Леон Шахбазянни техник нокаутга учратди.

Бу турнирда Кристиан Родригес, Винишиус Оливейра ва Беатрис Мескита ҳам ўз жангларида муддатидан аввалги ғалабаларини тантана қилди.

Fight Night 279 турнирининг тўлиқ натижалари:

Асосий кард жанглари

Манель Капе Киоджи Хоригучини техник нокаутга учратди (зарбалар) – 3-раунд, 2:42

Навахо Стирлинг Ион Куцелабани техник нокаут эвазига таслим этди (зарбалар) – 2-раунд, 3:23

Кристиан Родригес Хайдер Эмилни техник сабмишн (гильотина) эвазига енгди – 1-раунд, 3:43

Муртазали Магомедов Мелсик Багдасарянни сабмишн (твистер) қилди – 1-раунд, 1:17

Винишиус Оливейра Андре Филини техник нокаут (қўл ва тирсак зарбалари) эвазига ютди – 2-раунд, 4:56

Прелим кард жанглари

Кевин Борхас Андре Лимани очколар ҳисобига кўра енгди (30-27, 29-28, 29-28)

Беатрис Мескита рақибаси Мелисса Маллинсни сабмишн (тирсак) қилди – 1-раунд, 3:16

Митч Рапозо Аллан Насиментодан ҳакамларнинг айри қарори эвазига ютди (28-29, 29-28, 29-28)

Гастон Боланос Майкл Асвеллдан очколар бўйича устун келди (29-28, 29-28, 29-28)

Леван Чохели Леон Шахбазянни техник нокаут эазига (оёқда зарба) енгди – 1-раунд, 0:23

Луан Сантос рақибаси Кэрол Росни таслим қилди (30-27, 30-27, 30-27)

Шейн Коллинз Отари Танзиловини мағлубиятга учратди (30-27, 30-27, 30-27)