14 мар 07:59
Янгиликлар

Қишки спорт турлари

Асосий рақибини таслим этган “Хумо” якка пешқадам бўлиб олди ФОТОГАЛЕРЕЯ

Хоккей бўйича Ўзбекистон чемпионатининг 11-тури “Хумо” ҳамда “Семурғ” жамоалари ўртасидаги учрашув билан бошланди.

Турнир жадвалида пешқадамлар сафида бораётган бу икки жамоа ўйини жуда чиройли ўтди. Гўё келишилгандек жамоалар шайбага шайба билан жавоб беришди.

Учинчи бўлимнинг сўнгги дақиқаларида “Хумо” жамоаси томонидан киритилган шайбага рақиблар жавоб бера олишмади: “Хумо” - “Семурғ” 4:3.

Шу тариқа, “Хумо” чемпионатдаги пешқадамлигини мустаҳкамлаб олди. Очколар сонини 15 тага етказган “Хумо” хоккейчилари “Семурғ”дан уч очкога илгарилаб кетишди.

Бугун 11-турнинг иккинчи учрашувида “Тошкент” ҳамда “Бинокор” жамоалари муз устига тушишади. Ўйин кеч соат 20:00да бошланади.