16 авг 03:54
Янгиликлар
Оғир атлетика, Токио-2020
Атлетларимиз Руслан Нуриддинов ва Иван Ефремов пешқадам!
Рио Олимпиадасининг биз учун аҳамиятли бўлган оғир атлетика мусобақаси давом этмоқда.
Ҳозиргина 105 килограммгача бўлган вазн тоифасида даст кўтариш баҳслари якунланди. Ушбу вазнда бир йўла икки ҳамюртимиз иштирок этяпти. Қувонарлиси, уларнинг ҳар иккиси ҳам даст кўтариш баҳсларидан сўнг биринчи ва иккинчи ўринни эгаллаб турибди.
Жаҳон чемпиони ва жаҳон рекордчиси Руслан Нуриддинов 194 кг тошни ўзига бўйсундирди. Жаҳон чемпиони Иван Ефремов ҳам айнан 194 кг тош кўтарди. Шахсий вазни 60 граммга енгилроқ бўлган Ефремов биринчи ўринни эгаллаб турибди. Ҳозир силтаб кўтариш машқлари бошланади.
Ҳавола :
Манба : olamsport.com
Фикрлар