14 ноя 11:30
Янгиликлар

Теннис

ATP Finals. Алекс де Минаур Тэйлор Фрицдан устун келди

Дунёнинг еттинчи ракеткаси Алекс де Минаур Туринда давом этаётган Якуний ATP турниридаги илк ғалабасини қўлга киритди.

Австралиялик теннисчи гуруҳ босқичининг сўнгги учрашувида рейтингда ўзидан бир поғона юқорида бораётган америкалик Тэйлор Фрицни мағлубиятга учратди - 7/6(3), 6/3. Иккала теннисчи ҳам 1 тадан ғалаба ва 2 мағлубият билан гуруҳда қолиб кетди.

Тўқсон беш дақиқа давом этган баҳсда Де Минаур 5, Фриц 8 та эйс зарбасини амалга оширган. Қўшхатолар Алексда кўпроқ бўлди - 3 га 1. Брейклар бўйича устунлик ҳам табиийки, у томонда - 2 га 1.