ATP Finals старт олди. Карлос Алькарас ҳам бошлади

Дунё рейтингида Топ-8`таликда бораётган теннисчилар ўртасидаги ушбу мусобақа икки гуруҳда ўтказиляпти. Жимми Коннорс номли гуруҳнинг илк учрашувида дунёнинг иккинчи ракеткаси испаниялик Карлос Алькарас ATP рейтингида 7-поғонада бораётган австралиялик Алекс де Минаурни икки сет натижасига кўра мағлубиятга учратди - 7/6(5), 6/2.

Бу теннисчиларнинг ўзаро ўтказган бешинчи учрашуви бўлди - 5:0. Роппа-роса 100 дақиқа давом этган баҳсда Алькарас 5, де Минаур 4 та эйс зарбасини амалга оширган. Брейклар бўйича устунлик ҳам испаниялик томонида бўлди - 4 га 2.