ATP рейтинги. Етакчиларимиз пастлашди. Раҳимбек 72, Новакни ютган Якуб 30 поғона кўтарилди

Мамлакатимизнинг биринчи ракеткаси Ҳумоюн Султонов 8 поғона пастлаб, 229-ўринни эгаллаб турибди. У икки ҳафта турнирларда иштирок этмади ва бунинг натижасида 12 очко йўқотди. Кеча Анталия турнирида чемпион бўлган иккинчи ракеткамиз Сергей Фомин 2 очко йўқотди ва 12 поғонага пастлади. Унинг кечаги чемпионлик очколари келаси ҳафта рейтинги учун ҳисобланади. Қолган уч теннисчимиз ўз ўринларини яхшилаб олишди. Максим Шин 5, Амирбек Милушев 19, Раҳимбек Иброҳимов эса оз эмас, кўп эмас, 72 ўринга кўтарилган. 

Дунё теннисчиларининг Топ-10`талигида ҳам ўзгаришлар кузатилди. Россиялик Даниил Медведев узоқ муддатдан кейин Топ-10`таликни тарк этди. У Майами "Мастерс" турниридаги ўтган йилги 1/2 финал очколари ҳимоя қила олмади. Майами турнирида шов-шувли тарзда чемпион бўлган чехиялик 19 ёшли Якуб Меньшик 54-поғонадан 24-ўринга кўтарилиб олди. 

Италиялик Янник Синнер уч ойга катта теннисдан четлатилганига қарамай, ҳамон катта фарқ билан рейтинг пешқадами бўлиб турибди. Кучли учликдан германиялик Александр Зверев ва испаниялик Карлос Алькараз жой олган. Стефанос Циципас икки поғонага юқорилади. 

ATP рейтинги. 31 март ҳолатига кўра Топ-10:

1. (1) Янник Синнер (Италия) - 10330 очко

2. (2) Александр Зверев (Германия) - 7645

3. (3) Карлос Алькараз (Испания) - 6720

4. (4) Тэйлор Фритц (АҚШ) - 5290

5. (5) Новак Жокович (Сербия) - 4510

6. (6) Каспер Рууд (Норвегия) - 3855

7. (7) Жек Дрэйпер (Буюк Британия) - 3780

8. (10) Стефанос Циципас (Греция) - 3445

9. (9) Андрей Рублёв (Россия) - 3440

10. (11) Алекс Де Минаур (Австралия) - 3335

Ўзбекистонлик теннисчиларнинг АТР рейтингидаги ўрни:

229 (221). Ҳумоюн Султонов - 244 (-12) 

555. (543). Сергей Фомин - 66 (-2) 

1256. (1161). Максим Шин - 6 

1720Т (1739T). Амир Милушев - 2 

1961Т (2033T). Раҳимбек Иброҳимов - 1