ATP рейтинги. Фомин яхшигина кўтарилди, икки теннисчимиз мос равишда 84 ва 185 поғонага пастлади

Мамлакатимизнинг биринчи ракеткаси Ҳумоюн Султонов 3 поғона пастлаб, 221-ўринни эгаллаб турибди. У шунга қарамай, ўз ҳисобига икки рейтинг очкосини қўшиб олди. Иккинчи ракеткамиз Сергей Фомин ўтган ҳафтадаги нисбатан муваффақиятли иштироки сабаб 4 очко жамғарди ҳамда 21 поғонага кўтарилиб, 543-ўринга жойлашди. Сергей бундан аввалги эълон қилинган рейтингда ҳам 11 ўринга юқорилаганди. Максим Шин 84, Амирбек Милушев 185, Раҳимбек Иброҳимов 10 поғонага пастлаган. 

Дунё теннисчиларининг Топ-10`талигида ҳам ўзгаришлар кузатилди. Индиан-Уэллс "Мастерс" турнири чемпиони британиялик Жек Дрэйпер 14-поғонадан 7-ўринга кўтарилиб олди ва Топ-10`таликда дебют қилди. Финалда ютқазган даниялик Хольгер Руне 14-поғонадан 13-ўринга кўтарилди. Каспер Рууд, Даниил Медведев ва Андрей Рублёвнинг пасайганлиги боисидан сербиялик Новак Жокович икки поғонага юқорилаб, Топ-5`га кириб олди.  

Италиялик Янник Синнер уч ойга катта теннисдан четлатилганига қарамай, ҳамон катта фарқ билан рейтинг пешқадами бўлиб турибди. Кучли учликдан германиялик Александр Зверев ҳамда Индиан-Уэллс "Мастерс" турнирининг ўтган йилги чемпиони, бу йилги мусобақада 1/2 финалгача етиб келган испаниялик Карлос Алькараз жой олган. 

ATP рейтинги. 17 март ҳолатига кўра Топ-10:

1. (1) Янник Синнер (Италия) - 11330 очко

2. (2) Александр Зверев (Германия) - 7945

3. (3) Карлос Алькараз (Испания) - 6910

4. (4) Тэйлор Фритц (АҚШ) - 4900

5. (7) Новак Жокович (Сербия) - 3860

6. (5) Каспер Рууд (Норвегия) - 3855

7. (14) Жек Дрэйпер (Буюк Британия) - 3800

8. (6) Даниил Медведев (Россия) - 3680

9. (8) Андрей Рублёв (Россия) - 3440

10. (9) Стефанос Циципас (Греция) - 3405

11. (10) Алекс Де Минаур (Австралия) - 3335

Ўзбекистонлик теннисчиларнинг АТР рейтингидаги ўрни:

221 (218). Ҳумоюн Султонов - 256 

543. (564). Сергей Фомин - 68 

1261. (1177). Максим Шин - 6 

1739Т (1554T). Амир Милушев - 2 

2033Т (2023T). Раҳимбек Иброҳимов - 1