21 ноя 12:13
Янгиликлар

Теннис

АТР жорий мавсум энг кўп пул ишлаб топган теннисчини ошкор қилди

Эътиборли томони шундаки, йилнинг Якуний ATP турнири ғолиби бу рўйхатда учинчи ўринда зикр этилган.

Бу йилги теннис мавсумида энг кўп мукофот пулига дунёнинг биринчи ракеткаси Новак Жокович эга бўлган. Сербиялик теннисчи 2018 йилги мавсумдан 12,6 млн доллар ишлаб олди.

Иккинчи поғонадан испаниялик Рафаэль Надаль жой олган. У 8,66 млн долларни ўз ҳисоб рақамига ёзиб қўйди. Якуний АТР турнири ғолиби германиялик Александр Зверев эса 7,72 млн доллар билан учинчи ўриндан жой олди. Швейцариялик Рожер Федерер 7,6 млн долларни қўлга киритди.

Маълумот учун, жорий 2018 йилда Жокович “Катта Дубулға” туркумига кирувчи US Open ва Уимблдон турнирларида бошт соврин соҳибига айланди. Шанхай (Хитай) ва Цинциннати (АҚШ) турнирларида ҳам чемпион бўлди. Якуний ATP турнири финалида эса Зверевга 4:6, 3:6 ҳисобида ютқазди.