18 янв 19:01
Янгиликлар

Теннис

Australian Open. 34 та эйс Максим Крессига ғалаба келтирди

"Катта Дубулға" туркумига кирувчи Австралия Очиқ чемпионатининг биринчи давра учрашувлари якуни сари яқинлашмоқда.

Дунёнинг 41-ракеткаси бўлиб турган америкалик Максим Кресси рейтингда ўзидан тўрт поғона юқорида бораётган испаниялик Альберт Рамосдан тўрт сет натижасига кўра устун келди - 7/6(2), 7/5, 3/6, 6/3.

Теннисчилар 3 соату 25 дақиқа кортда ҳаракат қилишган. Бу уларнинг илк учрашуви эди. Кресси 34 та эйс зарбасини амалга оширишга муваффақ бўлган. Рамос эса бор йўғи 5 та. Максим Australian Open турнирининг иккинчи босқичида даниялик Хольгер Рунега қарши кортга чиқади.