Australian Open. Даниэль Коллинз 1/4 финалда

Бугун мусобақанинг иккинчи ҳафтасига белгиланган босқич учрашувлари ҳам кутилмаган натижалар билан бошланди. Симона Халепдан сўнг бельгиялик Элизе Мертенс ҳам мусобақа билан хайрлашди. 

WTA рейтингида 26-ўринни эгаллаб турган Мертенс ўзидан тўрт поғона пастда бораётган америкалик Даниэль Коллинзга 6/4, 4/6, 4/6 ҳисобида ютқазиб қўйди. 

Икки соату 51 дақиқа давом этган баҳсда 28 ёшли Коллинз 1 та, 26 яшар Мертенс эса 8 та эйс зарбасини амалга оширган. Теннисчиларнинг ўзаро учрашувларидаги ҳисоб мувозанати тикланди - 1:1. Коллинз Australian Open турнири чорак финалида франциялик Ализе Корнега қарши баҳс олиб боради.