Australian Open. Дунёнинг биринчи ракеткаси учинчи босқичда!

Дунёнинг биринчи рақамли теннис маликаси Эшли Барти ўз ватанида ўтаётган нуфузли мусобақанинг учинчи босқич иштирокчисига айланди. У 52 дақиқа давом этган баҳсда WTA рейтингида 142-поғонадан жой олган италиялик рақибаси Лючия Бронцеттига иккита гейм берди холос - 6/1, 6/1.

Учрашув давомида 25 ёшли Барти 8 та, 23 яшар Бронцетти эса битта эйс зарбасини ижро этди. Бу теннисчиларнинг ўзаро илк учрашуви эди. Энди Эшли турнирнинг учинчи даврасида яна бир италиялик теннисчи Камила Жоржига қарши кортга чиқади. Камила ўз ўрнида чехиялик Тереза Мартинцовдан 6/2, 7/6(2) ҳисобида устун келди.