Australian Open. Истомин - Эдмунд. ПРЕВЬЮ

15 январь куни старт олган "Улкан тож"нинг эркаклар ўртасидаги турнирида мукофот жамғармаси 25 096 000 Австралия доллари ҳисобланади.

Теннисчимиз мусобақанинг илк даврасида франциялик Пьер-Юг Эрберга қарши кортга чиқди ва 6:2, 6:1, 5:7, 7:6 ҳисобларида ғалаба қозониб, иккинчи босқич иштирокчисига айланди.



Ҳамюртимизга иккинчи даврада британиялик Кайл Эдмунд тўқнаш келади. Маълумот учун теннисчилар бунгача ўзаро тўқнаш келмаганлар. Истомин дунё рейтингида 60, Эдмунд эса 49-поғонани эгаллаб турибди.

Британиялик теннисчи илк даврада дунёнинг 12-рақамли теннисчиси ҳисобланган ЖАР вакили Кевин Андерсонни 6:7, 6:3, 3:6, 6:3, 6:4 ҳисобларида мағлубиятга учратган.

Истомин сўнгги 10та ўйинидан 5тасида ғалаба қозонган. Эдмундда эса ушбу кўрсаткич 7тани ташкил қилади.



Ҳамюртимиз фаолияти давомида 213та ўйинда ғалаба қозониб, 228та баҳсда имкониятни бой берган. Британиялик теннисчи эса 55та ўйинда ғолиб бўлган ва 64та баҳсда ютқазган.

Австралия очиқ чемпионатида иккинчи давра иштирокчилари 45 рейтинг очкоси ва 80 минг Австралия долларини нақд қилиб оладилар.

Ушбу ўйин эртага Тошкент вақти билан соат 05:00да бошланади.