Australian Open. Истоминнинг иккинчи даврадаги рақиби маълум

Ҳамюртимиз бугун тонгда яккалик мусобақасининг 180 дақиқа давом этган илк давра учрашувида франциялик Пьер-Юг Эрберни 6:2, 6:1, 5:7, тай-брекда 7:6(7:3) ҳисобида мағлуб этишга муваффақ бўлганди.

Ҳозиргина Истоминнинг иккинчи босқичдаги рақиби маълум бўлди. Британиялик Кайл Эдмунд Жанубий Африка Республикаси вакили Кевин Андерсонни 4 соату 3 дақиқа давом этган баҳс якунида 6:7(4:7), 6:3, 3:6, 6:3, 6:4 ҳисобида мағлуб этди. Денис айнан иккинчи даврада айнан Эдмундга қарши кортга чиқадиган бўлди.  

Таққослаш учун, Денис Истомин дунё рейтингида 60-ўринни эгаллаб турибди. Франциялик теннисчи эса 73-поғонадан жой олган. Кайл Эдмунд 49, у мағлубиятга учратган Андерсон эса 12-ўринни банд этган. Денис ва Кайл бунгача ўзаро ўйинларда тўқнаш келишмаган. Истомин -Эдмунд учрашуви 17 январь куни ўтказилади.