22 янв 15:32
Янгиликлар

Теннис

Australian Open. Медведев тўртинчи даврага йўл олди

Дунёнинг иккинчи, турнирнинг биринчи ракеткаси ҳисобланган Даниил Медведев Австралия Очиқ чемпионатининг учинчи давра учрашувини ўтказди.

Россиялик теннис устаси 3 дақиқаси кам 2 соат давом этган баҳсда Нидерландия вакили Ботик ван де Зандшульпни мағлубиятга учратди - 6/4, 6/4, 6/2.

Даниил 10 та эйс, 4 та брейкни амалга оширди, тўп узатишларида 6 маротаба қўшхатоликка йўл қўйди. Ботикда эйс зарбалари сони 3 тани ташкил этди. Бирон марта рақиб геймини ола билмади. Теннисчиларнинг ўзаро учрашувларида Медведев олдинда боряпти - 2:0.

Энди Даниил Австралия Очиқ чемпионатининг тўртинчи босқичида Максим Крессига қарши кортга чиқади. Америкалик бу теннисчи учинчи давра баҳсида мезбонлар вакили Кристофер О'Коннелдан 6/2, 6/7(6), 6/3, 6/2 ҳисобларида устун келди.