27 янв 18:08
Янгиликлар

Теннис

Australian Open. Рафаэль Надаль қийин ғалабага эришди

Мельбурн шаҳри мезбонлик қилаётган Австралия Очиқ чемпионати ўзининг қизғин палласига кирди.

Дунёнинг биринчи ракеткаси Рафаэль Надаль нимчорак финал учрашувида қийин ғалабага эришди. Испаниялик теннис юлдузи бир неча дақиқа аввал якунланган баҳсда ATP рейтингида 26-ўринни эгаллаб турган австралиялик Ник Киргиосни мағлуб этди.

Надаль 3 соату 38 дақиқа давом этган баҳсда 6/3, 3/6, 7/6(6), 7/6(4) ҳисобида зафар қучди. 33 ёшли Рафа 12, 24 яшар Ник эса 25та эйс зарбасини амалга оширди. Энди Надаль Australian Open турнирининг чорак финалида австриялик Доминик Тимга қарши кортга чиқади.