24 янв 10:31
Янгиликлар

Теннис

Australian Open. Сафи Эрон тарихида ғалабага эришган илк теннисчи қизга айланди

Эронлик Мешкатолзаҳра Сафи Australian Open турнирининг ўсмирлар ўртасидаги баҳсларида ғалаба қозонган илк теннисчи бўлди.

Шунингдек, у ITF Топ-100 рейтингига кирган илк эронлик теннисчига ҳам айланди. Ҳозирда Сафи рейтингнинг 74-поғонасидан жой олган.

"Теннис билан шуғулланишни бошлаганимда ҳеч ким менга ишонмаганди. "Катта Дубулға" турнирида қатнашишим эса шунчаки туш эди", - дея Сафининг сўзларини келтирмоқда ITF матбуот хизмати.

Теннисчи Эрон қоидаларига кўра бошида рўмол, эгнида ёпиқ либос билан кортда ҳаракат қилган.

Шунингдек, Мельбурнда кениялик Анжелла Окутои ҳам илк ғалабасини қўлга киритди. У ҳам Кения давлати учун "Катта Дубулға" турнирида камида битта учрашувда зафар қучган теннисчига айланди.