Australian Open. Соболенко учинчи давра учрашувида кортга чиқди

Беларуслик теннис маликаси 109 дақиқа давом этган баҳсда WTA рейтингида 41-ўринни эгаллаб турган чехиялик Маркета Вондроушовани уч сет натижасига кўра мағлубиятга учратди - 4/6, 6/3, 6/1.

Арина кортда ўтказган дақиқалари давомида 1 та, Маркета эса 6 та эйс зарбасини ижро этди. Соболенко тўпни ўйинга киритишда 11 та қўшхатога йўл қўйди. Теннисчиларнинг ўзаро учрашувларидаги ҳисоб Арина фойдасига бўлиб турибди - 3:1. 

Энди 23 ёшли Соболенко Australian Open турнирининг тўртинчи даврасида эстониялик Кайя Канепига қарши кортга чиқади. Канепи ўз ўрнида австралиялик Мэддисон Инглисдан 2/6, 6/2, 6/0 ҳисобида устун келди.