Авлиёхон Ҳамидов ва Конорнинг спарринг-шериги ҳам Mangu MMA 1 турнирида жанг қилади (ФОТО)

Лига матбуот хизмати яна икки нафар спортчи билан шартнома тузилгани ҳақида хабар берди.

Унга кўра, илк мусобақада ўзбекистонлик таниқли аралаш якка кураш усталари — Авлиёхон Ҳамидов ҳамда Баҳромжон Рўзиев ҳам октагонга кўтарилади.

Авлиёхон фаолияти давомида ҳозиргача 20 та жанг ўтказган ва 12 ғалаба, 7 та мағлубият, 1 та дуранг қайд этган. Баҳромжон ҳисобида эса 7 ғалаба ҳамда 1 та мағлубият бор. У ўз вақтида икки вазнда собиқ UFC чемпиони Конор Макгрегорнинг спарринг шериги сифатида фаолият олиб борган.