Австралия UFC турнирига бир кун қолганда яна бир жанг бекор қилинди

Турнирга бўлган қизиқиш кескин тушиб кетганидан ташкилотчилар чипталар нархини икки баробарга камайтиришди. Ҳозиргача қилинган ҳисоб-китобларга кўра аренанинг ярми ҳам тўлмаслиги айтилмоқда. 

Бир ҳафта олдин яримоғир вазн тоифаси вакиллари Жуниор Тафа ва Ибо Аслан ўртасидаги жанг бекор қилинганди. Энди эса турнирга бир кун қолганда Обан Эллиотт ва Жонатан Микаллеф ўртасидаги жанг ҳам карддан ечилди. Яримўрта вазн тоифаси вакилларининг жанги бекор қилинишига Эллиоттнинг бетоблиги сабаб бўлди.

UFC Fight Night 260 турнирининг асосий жанги яримоғир вазн тоифасида ўтказилади. Даъвогарлик мақомидаги ушбу жангда Карлос Улберг Доминик Рейесга қарши октагонга чиқади. Қолган жангларда унчалик таниқли бўлмаган аралаш яккакураш усталари бўлиб, ММА мухлисларида қизиқиш уйғотмаяпти.