Аёллар кураши. Осиё чемпионатида иштирок этаётган қизларимиз медаллар учун гиламга чиқадилар

Бугун турнирда аёллар кураши бўйича баҳслар ўтказилмоқда. Эътиборлиси, саралаш беллашувлари якунига кўра, спортчилармизнинг уч нафарида медаль қўлга киритиш имконияти мавжуд.

-59 кг вазн тоифасида баҳсларда иштирок этаётган Набира Есенбаева кореялик Ум Жиеунни 11:1, ҳиндистонлик Сангитани 15:5 ҳисобларида мағлубиятга учратди ва олтин медаль учун гиламга чиқиш имкониятини қўлга киритди. Актенге Кеунимжаева ва Амина Алибетоваларда эса бронза медали учун имконият сақланиб қолган.

Кечки дастурдан ўрин олган баҳслар:

Олтин медаль учун:

-59кг: Набира Есенбаева - Нингнинг Ронг (Хитой)


Бронза медали учун:

-50кг: Актенге Кеунимжаева - Нарангерел Едренесух (Моғулистон)

-55кг: Амина Алимбетова - Ланнуан Луо (Хитой)


Маълумот учун, кеча юнон-рум кураши бўйича баҳслар якунига етди. Юнон-рум кураши баҳсларида спортчиларимиз умумжамоа ҳисобида учинчи ўринни қўлга киритдилар.

Юнон-рум курашида совриндорларимиз рўйхати қуйидагича кўриниш олди:

-63кг: Елмурат Тасмурадов - олтин
-97кг: Рустам Ассакалов - кумуш
-130кг: Мўминжон Абдуллаев - кумуш
-60кг: Исломжон Баҳромов - бронза
-67кг: Мирзобек Раҳматов - бронза
-72кг: Арам Варданян - бронза.