29 июн 18:51
Янгиликлар

Бокс/ММА

Азамат Нуфтиллаевнинг жанги чемпионлик камари учун бўлади

Бир неча кунлардан сўнг, аниқроғи, 6 июль куни Тошкентдаги "Ҳумо арена" мажмуасида ММА бўйича Octagon 75 турнири ўтказилади.

Аввал хабар берганимиздек, мусобақанинг марказий жангида ўзбекистонлик таниқли аралаш якка кураш устаси Азамат Нуфтиллаев иштирок этади. Ҳамюртимизга Россия вакили Даниял Элбаев рақиб бўлади.

Маълум бўлишича, беллашув оғир вазн тоифасидаги Octagon Interim (вақтинчалик) камари учун ўтказилади.

Азамат "Дракон" Нуфтиллаев карьераси давомида 18 та жанг ўтказиб, 16 ғалаба, 1 та мағлубият ва 1 та дуранг қайд этган. Даниял "Т-34" Элбаев ҳисобида эса 12 та ғалаба ва 5 та мағлубият бор.