Азизбек Абдуғофуровнинг вазнида WBC камари вакант қолиши мумкин

У Алексис Ангулога қарши жанг олдидан 3 фунт ортиқча вазн тўплади. У шу даражада формадан чиқиб кетганки, ўзига берилган қўшимча икки соатдан ҳам фойдаланмади. 

"Мен бутун тун ва эрталаб ҳаракат қилдим. Бор-йўғи 3 фунт ортиқча қолди. Тўхтовсиз ишладим, аммо вазн йўқолмади. Бошқа иложим йўқ эди. Тушуняпсизми? Бошқа хеч нарса қила олмасдим", - деди Бенавидес. 

Бенавидеснинг 36 ёшли рақиби Ангуло 167.6 фунт натижа билан белгиланган вазн меъёрини бажарди. Агар у ғалаба қозонса WBC йўналишининг янги чемпионига айланади. Агар Бенавидес ғалаба қозонса, ушбу камар вакант сифатида қолдирилади. 

Эслатиб ўтамиз, мазкур вазн тоифасида ўзбекистонлик Азизбек Абдуғофуров WBC Silver камари соҳиби ҳисобланади ва рейтингда 2-ўринни эгаллаб турибди. Агар Абдуғофуровнинг промоутерлари келиша олишса, боксчимизда WBCнинг олтин камари учун жанг қилишга яхши имконият юзага келди.