07 мар 08:28
Янгиликлар

Бокс/ММА

Азизбек Темиров иштирокидаги жанг кутилмаган натижа билан якунланди

Айни дақиқаларда АҚШнинг Лас-Вегас шаҳридаги Palms Casino марказида ММА бўйича LFA 203 турнири бўлиб ўтмоқда.

Биз учун аҳамиятли, ушбу турнир доирасида аралаш яккакураш устамиз Азизбек Темиров ҳам октагонга кўтарилди. Ҳозиргина якунига етган уч раундлик жангда ҳамюртимизга бразилиялик Даниэль Араухо рақиблик қилди.

Афсуски, тўлиқ уч раунд давом этган жанг якунида ҳакамлар бразилиялик спортчининг қўлини кўтаришди. Араухо ҳакамларнинг якдил қарори билан очколар ҳисобига кўра ғалаба қозонди. Унинг ғалабали серияси 7 та жангга етди.

Маълумот учун, Азизбек Темиров бугун фаолиятидаги илк мағлубиятини қабул қилиб олди. Ҳисобидаги ғалабалари сони 5 талигича қолди. LFA 203 турнирининг марказий жанги қирғизистонлик Уран Сатибалдиев ҳамда Бразилия вакили Леон Соареш ўртасида кечади.