26 авг 14:10
Янгиликлар
Дзюдо
Азизжон Камилов Япония олимпия қўмитаси президенти билан учрашди
Ўзбекистон миллий олимпия қўмитаси вице-президенти, мамлакат дзюдо федерацияси президенти Азизжон Камилов Токио шаҳрида Япония миллий олимпия қўмитаси ҳамда дзюдо федерацияси президенти Ясухиро Ямасита билан учрашув ўтказди.
Ушбу маросимда Ўзбекистон дзюдо федерацияси вице-президенти Улуғбек Бухаров ҳамда Ўзбекистон миллий олимпия қўмитаси халқаро муносабатлар департаменти директори Камолиддин Эргашев ҳам иштирок этди.
Учрашувда икки мамлакат дзюдо федерациялари ўртасида имзоланган Меморандумга қўшимча банд киритилди. Унга кўра, томонлар бундан буён тиббиёт ва фармакология йўналишларида ҳам ҳамкорлик қилишади.
Шунингдек, Олимпиада олдидан ўзбекистонлик мураббийлар учун қисқа муддатли ўқув курси, спортчилар учун эса ўқув-машғулот йиғини ташкил этилади.
Мулоқот чоғида Азизжон Камилов Ясухиро Ямаситога жаҳон чемпионати олдидан Майдзуру шаҳрида ўтказилган терма жамоамизнинг йиғини учун миннатдорчилик билдирди.
Ҳавола :
Фикрлар