Бадиий гимнастика: Осиё чемпионатида муваффақиятли иштирок этган қизларимиз тантанали кутиб олинди

Мазкур мусобақада бадиий гимнастика бўйича аёллар ва ёшлардан иборат Ўзбекистон миллий терма жамоалари юқори савияда иштирок этишди. Осиё чемпионатида Ўзбекистон миллий терма жамоаси 18 та медаль (10 та олтин, 7 та кумуш, 1 та бронза) қўлга киритди.

Осиё чемпионатида муносиб иштирок этган бадиий гимнастикачиларимиз бугун тунда Ислом Каримов номидаги Тошкент халқаро аэропортида тантанали кутиб олинди. Кутиб олиш маросимида Спортни ривожлантириш вазирлиги, Ўзбекистон гимнастика федерацияси, спортчиларнинг ота-оналари ва ОАВ ходимлари иштирок этишди.

Вакилаларимизнинг қитъа биринчилигида қайд этган натижалари билан танишинг.

Осиё чемпионати, жамоавий баҳслар (катталар ўртасида):

1. Ўзбекистон,

2. Қозоғистон,

3. Япония.

Осиё чемпионати, жамоавий баҳслар (ўсмир қизлар ўртасида):

1. Қозоғистон,

2. Ўзбекистон,

3. Япония.

Осиё чемпионати, катталар ўртасида:

Икрамова Тахмина — 4 та олтин, 1 та кумуш,

Ташкенбаева Сабина — 1 та кумуш.

Гуруҳ чиқишлари (Ибрагимова Шаҳзода, Аъзамова Нилуфар, Исъҳоқзода Мумтозабону, Жуманиязова Наргиза, Абдурауфова Хуршидабону, Пак Мария) 2 та олтин, 1 та кумуш.

Осиё чемпионати, ўсмир қизлар ўртасида:

Усова Наталя 1 та олтин, Сарансева Анастасия 1 та кумуш, Аталянс Эвелина 1 та олтин, Савадян Вилана 1 та олтин. Гуруҳ баҳслари (Доменика Дамирова, Иродахон Садиқова, Диёра Бахтиёрова, Мубина Камолова ва Амира Мирзаёрова) 2 та кумуш, 1 та бронза.

Шунингдек, Осиё чемпионатида жами 15та давлат иштирок этган бўлиб, умумжамоа ҳисобида 1-ўринни Ўзбекистон терма жамоаси эгаллади. 2-ўрин Қозоғистон терма жамоасига насиб этди. 3-ўринни япониялик бадиий гимнастикачилар қўлга киритишди.

Спортни ривожлантириш вазирлиги ҳамюртларимизни Осиё чемпионатидаги муносиб иштироки билан муборакбод этади.