Баҳодир Жалолов эртанги жанг олдидан ўз фикрини билдирди

Чарм қўлқоп устамиз тарозида бельгиялик рақиби Жек Муловайидан 4 кг оғирроқ тош босди. Жалолов матбуот анжуманида Муловайига қарши жанг ҳақида ўз фикрини баён этди.    

"Ҳаммага ассалому алайкум. Тадбирга келганингиз учун раҳмат. Бундай шоуда жанг қилаётганимдан хурсандман. Бу мен учун катта шараф. Ушбу имкониятни менга тақдим этган менежерларимга катта раҳмат айтмоқчиман. Эртага сизларга ёқадиган жанг намойиш этишга астойдил ҳаракат қиламан. Машғулотлар кўнгилдагидек ўтди. Мураббийларимиз билан бирга рақибни яхшигина ўргандик. Муловайи жиддий рақиб, ўйлайманки, эртага чиройли ғалабам билан сизларни хушнуд этаман", - деди Жалолов.