21 окт 17:46
Янгиликлар

Бокс/ММА

Баҳодир Жалолов навбатдаги жанги ҳақида маълумот берди

Супероғир вазн тоифасидаги профессионал боксчимиз Баҳодир Жалолов навбатдаги жангини келаси ой ўтказади.

Чарм қўлқоп устамиз аслида 15 октябрь куни Буюк Британиянинг Ливерпуль шаҳрида жанг ўтказиши керак эди. Аммо унинг аргентиналик рақиби Ариэль Эстебан (11-10) сўнгги паллада Баҳодирга қарши жанг қилмасликка қарор қилганди.

"Менга ноябрь ойида АҚШда жанг ўтказишим ҳақида айтишди. Ҳозирча рақибим ким бўлиши ҳақида маълумотга эга эмасман. Умид қилиб турибман, бу сафар жангим бекор қилинмайди", - дея сайтимизга хабар берди Жалолов.