08 дек 18:44
Янгиликлар

Бокс/ММА

Баҳодир Жалолов Ўзбекистон чемпионатидаги илк жангини ўтказди

Айни дақиқаларда пойтахтимиздаги "Юнусобод" спорт мажмуасида бокс бўйича катталар ўртасидаги Ўзбекистон чемпионати давом этмоқда.

Ҳозиргина бугунги кун доирасидаги қизиқарли жанглардан бири якунига етди. Оғир вазн тоифаси вакиллари ўртасидаги жангда Токио Олимпиадаси чемпиони Баҳодир Жалолов Жамшид Худойбергановга қарши рингга кўтарилди.

Уч раунд тўлиқ давом этган жанг якунида кутилганидек Жалолов рақибини ҳакамларнинг якдил қарори билан очколар ҳисобига кўра (5:0) мағлубиятга учратди ва кейинги босқичга йўл олди.