Баҳодир Жалолов: «Промоутерларимиз учун рақиб танлаш осон эмас»

Баҳодир Жалолов кечаги ғалабасидан сўнг қўллаб-қувватлаганларга миннатдорчилик билдирди.

«Ассалом алайкум азиз дўстлар. Табрик ва илиқ тилакларингиздан бошим осмонга етди. Ушбу ғалабам билан сизларни оз бўлсада хурсанд қила олганимдан мамнунман. Профессионал фаолиятим учун бу жангим ҳам жуда муҳим, сабаби ҳар бир беллашув бу тажриба. Промоутерларимиз учун рақиб танлаш осон эмас, сабаби кўпчилик кучли боксчилар билан жанг қилишдан бош тортади. Шунинг учун берилган ҳар қандай рақиб билан жанг қилишга тайёрмиз  ва ўзимиз рақиб танламаймиз. Худо хоҳласа, профессионал рингдаги жангларим сони ортиши билан, жаҳонга машхур боксчиларга қарши жанг ташкил этиш ҳуқуқига эришамиз.

ИншаАллаҳ, ҳаммаси олдинда», - дея ёзиб қолдирди, Big Uzbek тегишли суратни илова қилиб.