23 мар 16:32
Янгиликлар
Баҳодир Жалолов танқидчиларга жавоб қайтарди
Бир неча кун аввал оғир вазнли боксчимиз Баҳодир Жалолов Дубайда жанг ўтказди. Жанг якунида «Big Uzbek» Жошуа, Усик ва Фьюри билан учрашишга тайёрлигини билдирган эди. Боксчининг ушбу гаплари кўплаб муҳокамаларга сабаб бўлди. Жалолов Инстаграм саҳифаси орқали танқидчиларга жавоб қайтарди:
«Барчага ўз миннатдорчилигимни билдираман! Дуоларингиз билан профессионал боксдаги барча жангларим ғалаба билан якунланди (10-0) Альҳамдуллилаҳ!
Жанг якунида WBC ва "Probellum" Президентларига айтган гапларимдан сўнг бизга айрим боксни зўр тушунадиган одамлардан жуда кўп «ақлли» фикрлар ва ноўрин муносабатлар етиб кела бошлади.
Унга кўра, мен Жошуа, Усик, Тайсон Фьюри ёки бошқа кучли боксчилар билан 1 раунд ҳам жанг қила олмас эканман. Бундай изоҳлар менга фақат мотивация беради, сабаби шу гапларнинг эгалари кейинчалик уялиб қолишлари учун бор кучим билан ҳаракат қиламан. Ўзбек бокчиларининг ҳеч кимдан кам жойи йўқ.
Бундан роппа роса 5-6 йил илгари билдирилган негатив фикрлар хаёлимга келди, ўшанда мени хеч қачон Олимпия ўйинларини юта олмайди дейишган эди! Алҳамдуллилаҳ, Аллоҳ Олимпиада чемпиони деган унвонни берди! Ин Шаа Аллоҳ, профессионал боксда ҳам сизларни уялтирмаслик учун бор кучим билан харакат қиламан!
Мени қўллаб-қувватлаётган яқинларим ва азиз ватандошларимни эса чин кўнгилдан яхши кўраман», - дея пост қолдирди Жалолов.
Фикрлар
Lekin shunchalik ôzgarishini kutmagandim. Qoyil qoldim. Ayniqsa Tokioda hammadan kuchliligini ham ruhan, ham jismonan kôrsatdi. Prof boksda 3, 4 yil ichida hamma kamarlarni qôlga kirita oladigan potensiali bor hozirgi kunda.