Баҳодир Жалолов терма жамоада кимни ўзига муносиб ўринбосар деб билишини айтди

– Терма жамоада ўрнингизга кимни муносиб номзод деб биласиз?

"Жамоамизда кучли ва иқтидорли йигитлар кўп. Шахсан ўз фикримни айтадиган бўлсам, Жаҳонгир Зокиров асосий боксчига айланса керак. Унда бу учун барча имконият, куч ва техника етарлича. Унинг келгуси Олимпиадада ҳам натижа кўрсатишига ишонаман".

– Сиз учун профессионал бокснинг энг оғир вазн тоифасидаги қайси йўналиш камари нуфузлироқ?

"Ҳамма камарнинг ўзига яраша тарихи, нуфузи бор. Мен учун улар орасида WBC йўналиши кўпроқ қизиқиш уйғотади. Чунки кўп чемпионлар яшил рангдаги шу камарни орзу қилишган. Шунинг учун WBC камари нисбатан обрўлироқ туюлади".

– Профессионал боксда камар қўлга киритишингиз учун қанча вақт керак деб ўйлайсиз?

"Ҳозир ҳеч нарса деб бўлмайди. Менга чемпионлик жангини беришса, уни бажонидил қабул қиламан. Балки бу яқин ойларда бўлиб кетар. Балки 1 йил ёки 2 йил талаб этилар, билмадим. Айтганимдек, вақт бўйича ҳеч нарса деб бўлмайди. Лекин мен доим бунга тайёр тураман", деди Жалолов.