Баҳодир Жалолов: "Усик билан спарринг ўтказишни хоҳлайман"

"Ўн марта рингга чиқса, ўн мартада ҳам Усик Жошуани ютади. Чунки Усикда ҳаваскор боксдаги тажриба бор. Жошуада ҳам бор, лекин унинг мактаби Усикникичалик эмас. Усик оёқда яхши ҳаракат қилади. Масалан, турган нарсани уриш осонми ёки юрганними? Албатта, турган нарсани. Усик бир жойда турмайди. Шунинг учун ҳам уни уриш қийин. Жошуага шу сабабли ҳам қийин бўлади. Усик оёқда ишлаш бўйича ундан анча баланд. 

Ўзим ҳам Усик билан спарринг ўтказишни хоҳлайман. У оёқда яхши ишлайди, мен ҳам оёқда яхши ҳаракат қиламан. Қачондир Усик билан спарринг қилиб қолсам, қанақа бўларкан деб ўйлаб қоламан. Менежерларимга бу ҳақда кўп айтаман. Усик, Жошуа билан спаррингда ишлай деганимда: "Эртага улар сенга рақиб бўлади, улар билан ишлаш сенга керак эмас" дейишади. Албатта, менежерларимни ҳам бошқа режалари бор", - деди Баҳодир Жалолов.